痞客邦PIXNET-掌握最新熱門話題貼文、短影音，讓生活充滿靈感!

南投鹿谷台大鳳凰自然教育園是個環境清幽，不同季節有櫻花、螢火蟲、茶花可賞，也是夏季避暑的好選擇，因此不久前的南投小旅行，就選擇住宿園區裡的森林邦鳳凰森之鳴綠建築木屋（只要參加鳳凰園區生態環境導覽即可訂房入住），除了能充分享受這裡的閒適環境外，晚餐後的夜間導覽，也讓我們對台大鳳凰自然教育園區的生態有初步認識，對於想找安靜或慢活的人來說，鳳凰‧森之鳴這個南投鹿谷住宿真的很適合呢！ #森林邦鳳凰森之鳴 #鳳凰森之鳴 #森林邦 #台大鳳凰自然教育園區 #鹿谷住宿 #南投住宿 #夏天避暑 #賞櫻 #hardaway生活筆記 全文內容請點選以下連結觀看：https://hardaway.com.tw/blog/post/43667905

緊緊 kā 下昏飯送入腹肚，緊緊換車幫到戲園，緊緊拆一張，緊緊傱入影戲廳對號入座。 怪奇，已經 8:20 影戲呔猶未開始？當我認真思考這个問題，四位德國人互相討論號碼問題，煞落來客氣請教我「請問你敢 mā 5 排 6 號？」緊 kā 票撏出來，五个人互相䀐一下，繼續討論敢是工作人員拆 m̄ 著位。我 mā 因為這个現象感覺紅龜生蟲，龜怪，Bridget Jones: Verrückt nach ihm 合該然較合女人脾土，呔討遮 tsuē 男人來贊聲，敢是因為這場是特別場，原音播出。當我成做貓 tuì 戲廳貓貓相。 「你走 m̄ 著廳，這廳 m̄ 是 Bridget Jones」其中一位男子微微笑 kā 手頭 ê 票分 hōo 我看。 我 ê 天公伯矣，誠實走 m̄ 著廳，那講歹勢外套捎 leh 隨傱出去揣我 ê 廳。 「你 ê 廳 tī 2 樓」著矣，遮是二樓，呔 m̄ 是我 ê 廳，我 kā 頭閣一斗探入去舊廳，內底 ê 戲迷齊笑講「這廳確定無講英語」我緊說謝斡頭傱向檢查人員「我揣無我 ê 廳。」 凡勢戲園 kan-ta 我一个亞洲人真好認甲，工作人員隨講綴我來 hōo 我一个閬縫攏無有空有榫 kā BJ 自頭看到煞戲。 影戲散場，翁來戲園接我，我 kā 這个過程講 hōo 伊聽，伊笑甲腹肚疼講「你 mā 傷過大目新娘揣無灶。」 「我無大目新娘揣無灶，不過我有穢著恁德國人田螺循舊逝，較行mā 彼逝 ê 癖。」 我看 ê 影戲凡勢無敆德國人喙斗，所致 m̄ 管行踏幾斗戲園，我 ê 廳永遠攏相𫝛 hōo 我掠做這个三層樓 ê 戲園每一層 ê 倒爿交正爿 kan-ta 一个廳，m̄ 捌要意壁角猶有一个廳。 Tsa̋ng mā蓋有意思，我這爿 ê 廳逐个廳門齊開開，獨獨我 ê 廳門關甲密喌喌 hōo 我掠做一堵壁．．．．． Tsa̋ng 2025.03.04 是 BJ ê 尾場 mā 是唯一一場原音無過聲 hōo 慣勢聽德語 ê 我雄雄 buē 慣勢，總是伊猶是比德語親切 buē 生份 mā hōo 我得著兩點鐘，不論思考抑是開喙齊 m̄ 免成做銅管仔車思考，這句話 ê das 愛變做 dem, der 愛變做 den, die 愛變做 der，紲落來閣有 des 有 ê 無 ê The。 按戲園倒去厝內 ê 路途，翁講阿羅紮一寡果子來分張，有罐頭王梨交泅入通貨膨脹 ê 林檎。若 m̄ 是驚 hőng 認做賊掠去警察局，正港想 bueh 替德國人無料做穡，tī 寒人進前 kā 落甲窒倒街 ê 無料林檎抾轉來囤 hōo 家己交伊省交繃....你按大碗閣滿墘轉做鞏金閣包銀，我 buaih 食。 林檎、王梨！ 「咱明仔載來食 Salat Honolulu」我講。 「你款啥攏好味素，準做我感覺這个生菜盤有貓膩」翁講。 「這恁德國人想出來 ê 菜色，免驚。」 按德國輕兩想人生出 ê 輕兩想早起頓，美味しい。